Tommaso Campanella, De sensu rerum, p. 201
magia, vires amittunt, labescente veretro: eo quod spiritus ultro
recedit
intro, praesentiens in tanta aviditate totum se posse exhalare ac
mori:
Aut in confluxu impetuoso suffocatur: aut reverentia amasiae
ipsum timidum reddit.
Timor autem fuga naturalis est a proprio malo,
aut ab agendo malo in alterum. De
veneficio contra fruges dictum
est superius. Tandem putamus stolidos esse, qui
arbitrantur vi
sonorum ex caelo potuisse Orpheum saxa et
plantas allicere movereque.
Non enim vis modica soni potest in maxima pondera
lapidum
et plantarum: neque tantus in his sensus est, qui motum arripere
possit
tantum. Ergo Daemones et Angeli ista factitare tantum valent,
quibus Magi
uti solent. De quo in Metaph.
Caput XIX.
Magia ad
Generationem.
~ Ad nobilitandam generationem Magia observari
posset
mirifica: cum iam notum sit adeo affectum generantium
valere, quod in re
genita ipsum exprimunt. Hac magia
usus est olim Patriarcha Iacob
; qui dum vellet oves parere
foetus albos, apponebat canalibus, in quibus
adaequabantur,
res virgasque albas. Quo in tempore recreatae ab aestu
movebantur
ad Venerem, et celebrato coitu, concipiebant albos,
pariebantque
foetus: cum vero vellet nigros, virgas apponebat nigras, cum
varios
varias, ubi sapientiam mirere viri. Tunc enim oves potabant
summa
aviditate aquam; in Mesopotamia enim et Syria ingens calor
est, aquae vero paucae et
puteales: eaeque in aviditate inspectantes
virgas, quae erant in aqua, hauriebant
oculis, et quasi bibebant imagines
virgarum amatarum in amore aquarum, quas in
virgis vel ex
virgis decurrentes hauriebant; sic et nos cum quid desideratum
ab
homine quopiam accipimus, retinemus magis illius hominis imaginem
in mente
quam aliis cernentes vicibus. Quapropter hilariter expletae
contentaeque aquis
suscipiebant semen eodem in tempore, ea
affectum imagine, in utroque parente,
masculo et foemina. Spiritus
vero seminalis eodem affectu et idem operabatur in
fabrica corporis
et consimiliter exprimebat. Ens enim omne operatur sicuti
affectum
est; res calida calefacit, frigida frigefacit, iratus iram operatur,
timidus
in timore, amans amore effectum quisque suum: et in eo effundit
seipsum
sicuti ipse tunc est; cum agere sit effundere naturam similitudinemque
propriam,
sicuti calefacere est facere aliud calidum; sicuti